خلينا ناخد مثل بسيط هنلفترض أنك عندك
محل بقالة ... خط سير الشغل فيه هيتم بالشكل التالى وهو أنك هتشترى البضاعة من
تاجر كبير وهتخزن البضاعة فى المحل عندك ... دلوقتى الناس هتيجى للمحل بتاعك
وهتشترى كل يوم حاجات من عندك والسعر اللى هتبيع بيه هيكون أغلى من ما أشتريت بيه
بعض الأحيان ممكن يخلص نوع معين من
عندك فييجى حد يسأل عنه فتتفق معاه يجيلك تانى يوم عشان تجيبهوله وبتكتب نوت عندك
ان النوع الفلانى ناقص من عندك وعايز منه ستوك .... لحد دلوقتى تمام ، خلينا
نتفق على بعض المسميات قبل مندخل فى الموضوع والأمور تتعقد. التاجر الكبير اللى
أشتريت منه بضاعتك ده هنسميهم Vendor والناس اللى بتيجى تشترى منك البضاعة دول هنسميهم Customers والستوك أو البضاعة اللى متخزنة عندك
هنسميها Inventory
.
لحد دلوقتى أحنا عرفنا بعض المسميات
اللى هنستخدمها على مدار الشغل بتاعنا . مع مرور الوقت المحل بتاعك هيكبر ودلوقتى أنت بتاخد الطلبات
بالتليفون وبتبعت البضاعة ديليفرى للـ Customers بتوعك، لذلك أن أطريت تعين موظفين عشان يقوموا بخدمات الـ Delivery وموظفين أكتر عشان يتابعوا الـ Inventory أو الستوك الموجود بحيث أمور الشغل
تمشى تمام . هنا الموظفين اللى أنت عينتهم بنسميهم Employees .. وأصبح فى الوقت الحالى شغلك عباره عن
أنك تدير الدفاتر المسجل فيها كل الأمور اللى فاتت من أسامى موظفين على الستوك الموجود
... ألخ. تخيل بقى لو نفس الموضوع هيتم فى شركة كبيره عندك ليها أكتر من 100000 customers وبيتتعامل مع أكتر من 1000 vendor وشغل فيها أكتر من 1000 employee وفيها مخزن كبير جدا بنسميه Warehouse، تفتكر أنك
ممكن تقدر تدير كل البيانات دى بالورقة والقلم؟ هههههههههه طبعا أستحالة
.
ولتيسير الأمر ده جت شركات زى SAP وأوراكل عملوا سوفتوير كبير أوى
بيندرج تحت مسمى الـ ERP (Enterprise Resource Planing) زى Oracle
E-Businese Suite و SAP ERP .... هنا كل واحد فيهم مش سوفتوير واحد
كبير لكن كل واحد فيهم عباره عن مجموعة كتيرة من السوفتويرز بنسميها Modules واللى بيتكاملوا مع بعض ويقدروا
يكلموا بعض وياخدوا بيانات من بعض بكل سهولة وبنسمى العمليه دى integration.
.
دلوقتى بقى أيه المقصود بـ Integrated
system؟
خلينا دلوقتى نعرف الـ Modules حسب الأعمال المتبعة لكلا
منهم.... فمثلا الـ Purchasing
المشتريات والـ Account
Payable حساب المدفوعات كلا منهم يتعامل مع
الـ Vendors تحديدا
من وقت ماأشتريت من الـ Vendors وفى النهاية أنت أكيد لازم تدفع المستحقات dues ..... وهنا الموديوول بتاع الـ Purchasing سواء فى شركة أوراكل أو SAP بيقوم بمعالجة ومتابعة كل الـ Requisitions الطلبات و الـ Purchase
orders أوامر الشراء وأرسالها إلى الـ Vendors
warehouse أما موديوول الـ Accounts
Payable بيقوم بمتابعة الـ Payments للـ Vendors.
.نفس الموضوع مع الموديوول الخاص بالـ Inventory اللى بيتعامل مع البضائع الموجوده
بالستوك ... ألخ .
نيجى بقى لموديوول الـ Account
Receivable حساب المقبوضات والـ Order
Management اللى
بيتعامل مع الـ Customers ، الـ Order
Management بيساعدك فى جمع كل المعلومات اللى تخص
طلبات الـ Customers من
خلال التليفون أو الـ web store ... etc لكن
الـ Receivable ده
بيساعدك لجمع الأموال المستحقة من الـ Customers
دلوقتى مين بقى بيتابع الـ Paychecks المرتبات الخاصة بالموظفين ؟
أكيد هيكون موديوول الـ Human
Resources .. دلوقتى أنت فهمت الفكره أنه لكل وظيفة
معينه هناك موديوول معين خاص بها اللى من خلاله تقدر تتابع مهام وظيفية بعينها.
.
لذلك كل موديوول له مهام وظيفية يقوم
بمتابعتها، لكن دلوقتى أزاى أعرف أذا كنت بكسب ولا بخسر؟
هنا جه دور الـ Integration التكامل... ففيه موديوول أسمه General Ledger
اللى بيستقبل معلومات من كل
الموديوولز واللى من خلاله بتقدر تفهم الدنيا عموما ماشيه إزاى بشكل ملخص من خلال
الريبورتات التابعه له
ولتبسيط الأمر هنا، فمثلا عندما تقوم
بدفع مرتبات الموظفين ده بيسمع فى الـ General
Ledger كمصروفات أو أموال خارجه ، بردوا لما
بتيجى تدفع تمن بضاعه للـ Vendors ده كمان بيسمع فى الـ GL كأموال خارجه ولما بتيجى البضاعه بالفعل
ده بيسجل ع الـ GL كأموال
داخله، وكمان لما الـ Customers بتوعك
بيدفعوا تمن البضاعة اللى أشتروها بتسمع فى الـ GL كأموال داخله ... لذلك كل الـ Transactions فى كل الموديولز بتسمع فى الـ GL كأموال داخله أو خارجه والنتيجة بعد
حساب مجموع الأتنين هيعرفنى خسارتى من مكسبى
مع تحياتى
Eng. Mina
Philip H. Goubrial
Facebook.com/mina.goubria
mobile: 01229733889
